مەودا میدیا-

سەبارەت بە گەڕانەوەی ناوی 500 میلاک بۆ دامەزراندن لەلایەن ئەنجومەنی وەزیرانی هەرێمەوە بۆ هەڵەبجە، دیوانی پارێزگای هەڵەبجە روونکردنەوەیەکی بڵاوکردەوە.

راگەیاندنی دیوانی پاریزگای هەڵەبجە کە وێنەیەکی بۆ مەودا میدیای ناردووە رایگەیاند "تاوەکو ئێستا هیچ ناوێک لە ئەنجومەنی وەزیرانەوە بۆ هەڵەبجە نەگەڕاوەتەوە بە مەبەستی دامەزراندن".

ئەوەشی خستەڕوو "ساڵی رابردوو ئەنجومەنی وەزیرانی هەرێم رەزامەندی دەربڕی بۆ دامەزراندنی 500 کەس بەشێوەی فۆڕمی ئەلیکترۆنی وەک فەرمانبەر لە فەرمانگە جیاوازەکانی هەڵەبجە، بەڵام تاوەکو ئێستا ناوی هیچ کەسێک نەگەڕاوەتەوە".

باسی لەوەشکرد "لە ئەگەری گەڕانەوەی ناوەکان لە ڕێگەی پەیجی رەسمی دیوانی پارێزگای هەڵەبجە-محافظة حلبجة-HalabjaGovernorate  وە سەرجەم ناوەکان بڵاودەکەنەوە".

ب ح