مەودا میدیا-

بەڕێوەبەرایەتی گشتیی کەشناسیی هەرێم کەشى پێشبینیکراوى بۆ ماوەی 48 کاتژمێرى داهاتوو بڵاوکردەوە.

کەشناسیی هەرێم رایگەیاند "ئەمڕۆ ئاسمان بەگشتىی پەڵە هەور ونیمچە هەور دەبێت و پلەکانی گەرما نزیک دەبێتەوە لە تۆمارکراوەکانى دوێنێ، ئاڕاستەی با رووەو باشووری رۆژئاوا دەبێت، وەهەروەها خێراى با لەسەرخۆ دەبیت (5 -  15) کم لە کاتژمێرێکدا، مەوداى بینین لەنێوان ( 9 – 10 ) کم دەبێت". 

ئاماژەی بۆ ئەوەشکرد "سبەینێ دووشەممە ئاسمان بەگشتىی پەڵە هەور و نیمچە هەور دەبێت و پلەکانی گەرما کەمێک بەرز دەبێتەوە بەراورد بە تۆمارکراوەکانى ئەمڕۆ، ئاراستەی با رووەو باکووری رۆژئاوا دەبێت، وە هەروەها خێراى با لەسەرخۆ (5–  15  ) کم لە کاتژمێرێکدا، مەوداى بینین لەنێوان ( 9 – 10 ) کم دەبێت".

کەشناسیی هەرێم، بەرزترین پلەکانی گەرمای پێشبینیکراوی بەمشێوەیە لەنێوان شار و ناوچەکاندا خستووەتەڕوو:

هەولێر  : 16 پلەى سیلیزى
سلێمانی :   15پلەى سیلیزى
کەرکوک : 18 پلەى سیلیزى
دهۆک   : 17 پلەى سیلیزى
هەڵەبجە : 16  پلەى سیلیزى
گەرمیان : 20 پلەى سیلیزى
سۆران   : 15 پلەى سیلیزى
زاخۆ     :  17 پلەى سیلیزى
حاجی ئۆمەران: 5  پلەى سیلیزى

ب ح