مەودا میدیا-

بەڕێوەبەرایەتی گشتیی حەج و عومرەی هەرێمی کوردستان بڵاویکردەوە ئه‌مڕۆ هاوڵاتییه‌كی ته‌مه‌ن 57 ساڵان، خه‌ڵكی ئیدارەی سەربەخۆی گەرمیان کە بە مەبەستی عومرە سەردانی سعودیەی کردبوو گیانی له‌ده‌ستدا.

بەڕێوەبەرایەتی گشتیی حەج و عومرەی هەرێم رایگەیاند "ئەمڕۆ هاوڵاتیی (خەلیل ئەحمەد کاکەبرا) دانیشتوی ئیدارەی سەربەخۆی گەرمیان لە شاری مەککە کۆچی دواییکرد".

ئاماژه‌ی بۆ ئەوه‌شكرد "عومرەکارەکە تەمەنی 57 ساڵە و ماوەی هەشت رۆژە لە سعودیەیە و سوننەتی عومرەی بەجێگەیاندووە ئەمڕۆ لەناکاو باری تەندروستی تێکچووە و دوای گەیاندنی بۆ نەخۆشخانە لە شاری مەککە کۆچی دواییکردووە، بڕیارە ئەمڕۆ لە شاری مەککەی پیرۆز بە خاک بسپێردرێت".

ب ح