مەودا میدیا-

وه‌زاره‌تی شاره‌وانی و گەشتوگوزارلیستی 35 هەزار فەرمانبەر و هێزەكانی ناوخۆ و خانەنشینان  رەوانەی ئەنجومنی وەزیران کردووەو بەرپرسێکی وەزارەتەکەش ئاشکرایکرد بەمنزیکانە ناوەکانیان دەگەڕێتەوە.

سەربەست مەولود، سەرپەرشتیاری دابەشکردنی زەوی له‌ وه‌زاره‌تی شاره‌وانی و گەشتوگوزار رایگەیاند "لەچوارچێوەی قۆناغی چوارەم بۆ پێدانی زەوی لیستی ناوی 35 هەزار فەرمانبەر و كارمەندی ناوخۆ و خانەنشینان بۆ تەرخانكردنی زەوی رەوانەی ئەنجومەنی وەزیران کردووەو بەمنزیکانە دەگەڕێتەوە".

ئاماژەی بۆ ئەوەشکرد "لە قۆناغی سێیەمدا ناوی خانەنشینی یەکی هەولێر و کۆیە و ئیدارەی ڕاپەڕین گەڕاوەتەوە، لەو لیستەیشی لە ئەنجومەنی وەزیرانە، ناوی خانەنشینانی سلێمانی و خانەنشینی پێشمەرگەش هەیە".

ئەوەشی خستەڕوو "هەر فەرمانبەرێك كە ‏8 ساڵ خزمەتی هەبێت و هەر خانەنشینێكیش لە كاتی فەرمانبەریدا سوودمەند نەبووبێت، بەپێی شوێنی نیشتەجێبوون و كارتی زانیاری و بەپێی پارێزگا و ئیدارە سەربەخۆكان ناوەکان جیا دەكرێنەوەو زەوییەكی 200 مەتریان پێدەدرێت".

ب ح