مەودا میدیا- سەركۆ جەمال

وتەبێژی هاوپەیمانی نێودەوڵەتی لەبەغدا، لەمیانی چاوپێكەوتنێكیدا لەگەڵ رۆژنامەی شەرقولئەوسەت، باسی لەمەترسی ئەو ئەندامانەی داعش كرد كە لەئێستادا لە زیندانەكانی هێزەكانی سوریای دیموكراتدان.

واین مارتورو، وتەبێژی هاوپەیمانی نێودەوڵەتی لەبەغدا رایگەیاند " ئەگەر كێشەی ئەو زیندانی كراوانەی داعش چارەسەر نەكرێت ئەوا، لەداهاتودا دەتوانن گەورەترین گروپی چەكداری لەجیهاندا دروست بكەن".

ئەو فەرماندەیەی هاوپەیمانی نێودەوڵەتی ئاماژەی بۆ ئەوەشكرد " داعش هیچ رووبەرێكی زەوی بەدەستەوەنەماوە، بەڵام ئەگەری گەڕانەوەیان ئەگەرێكی جدییە، ئەگەر بێت وفشارەكان لەسەریان كەمبكرێتەوە".