مەودا میدیا - کاروان نوری

کەسایەتیی ناسراوی کوردانی ئێزدی و رابەری رۆحیی ئێزدییەکان، لە تەمەنی 87 ساڵیدا بە نەخۆشی لە نەخۆشخانەیەکی شاری هەولێر، کۆچی دواییکرد.

بابە شێخ، کەسایەتیی ناسراوی کوردانی ئێزدی و رابەری رۆحیی ئێزدییەکان، لە تەمەنی 87 ساڵیدا بە نەخۆشی کۆچی دواییکرد، بە گوتەی بەڕێوەبەری کاروباری کوردانی ئێزدی لە دهۆک، رابەری رۆحیی ئێزدییەکان نەخۆشیی گورچیلەی هەبووە.
 
 خێری بۆزانی، بەڕێوەبەری گشتیی کاروباری کوردانی ئێزدی لە وەزارەتی ئەوقاف رایگەیاندووە "بابە شێخ لە نەخۆشخانەی سەردەم لە هەولێر گیانی لەدەستداوە".

پێشتریش بڵاوکرایەوە کە ماوەی سێ رۆژە رەوشی تەندروستیی بابە شێخ خراپە و لەژێر چاودێریی چڕدایە، دواجار کەمێک پێش ئێستا گیانی لەدەستدا.

ک.ن