مەودا میدیا-

ئیدارەی بەڕێوەبردنی کارەسات و باری لەناکاوی تورکیا ئاشکرای کرد دوانیوەڕۆی ئەمڕۆ هەینی بوومەلەرزەیەک بە گوڕی 6.6 پلەی رێختەر لە دەریای ئیجە روویدا و پارێزگاکانی دەوروبەر هەستیان بە بوومەلەرزەکە کردووە.

لە راگەیەندراوێکدا ئیدارەی بەڕێوەبردنی کارەسات و باری لەناکاوی تورکیا (ئافاد) رایگەیاند "دوانیوەڕۆی ئەمڕۆ کاتژمێر 3:51 خولەک بوومەلەرزەیەک بە گوڕی 6.6 پلەی رێختەر لە دەریای ئیجە روویداوە".

لە راگەیەندراوەکەدا ئاماژە بەوەکراوە "بوومەلەرزەکە بە قوڵایی 16.54 کیلۆمەتر بووە و کەناراوەکانی سەفەریهیسار ناوەندەکەی بووە, هەروەها لە پارێزگاکانی ئیستەنبوڵ و ئیزمیر و پارێزگاکانی دەوروبەریشیاندا هەستی پێکراوە".

س.س