مەودا میدیا-

وتەبێژی حکومەتی عیراق رایگەیاند، ئەنجومەنی وەزیرانی عیراق پڕۆژەیاسای زۆرەملێی سەربازی لە وڵاتدا جێگیرکرد و رەوانەی پەرلەمانی عیراقی دەکات.

لە کۆنگرەیەکی رۆژنامەوانیدا حەسەن نازم، وتەبێژی حکومەتی عیراق رایگەیاند، ئەنجومەنی وەزیرانی عیراق رەزامەندی لەسەر پڕۆژەیاسای سەربازی بەزۆرەملێی دەربڕی لە چوارچێوەی پرۆژەیاسای خزمەتی ئاڵادا و پڕۆژەیاساکە رەوانەی پەرلەمانی عیراق دەکرێت و تاوتوێ دەکرێت. 

لە لایەکی دیکەوە عەبدولخالف عەزاوی، ئەندامی لیژنەی بەرگری و ئاسایشی پەرلەمانی عیراق رایگەیاند، سەرۆک وەزیرانی عیراق بەڵێنی داوە پرۆژەیاسای سەربازی بەزۆرەملێ پێش کۆتاییهاتنی ئەم خولەی ئێستای پەرلەمان جێگیربکات.

ئاماژەی بەوەشکرد، لە پەرلەمانی عیراقدا پشتگیری ئەو پڕۆژەیاسایە دەکەن و دەیانەوێت خوێندنەوەی بۆ بکەن و جێگیری بکەن و ئارەزوودەکەن پێش تەواوبوونی وادەی ئەم خولە پەسەندی بکەن.

ر. ر