مەودا میدیا-

ئەنجومەنی وەزیرانی عیراق بە سەرۆکایەتیی مستەفا کازمی، سەرۆک وەزیرانی عیراق لەگەڵ  پارێزگاره‌كانی سلێمانی و هه‌ڵه‌بجه‌ و هه‌ولێر و دهۆك کۆبوونەوەی ئەنجامدا.

هه‌ڤاڵ ئه‌بوبه‌كر، پارێزگاری سلێمانی، له‌ هه‌ژماری تایبه‌تی خۆی له‌تۆڕی كۆمه‌ڵایه‌تی فه‌یسبوك نووسیویه‌تی "ئه‌مڕۆ شەممە 11ی ئەیلولی 2021 لە به‌غدا شاندی ره‌سمیی  پارێزگاكانی هه‌رێمی كوردستان (هه‌ولێر و سلێمانی و دهۆك و هه‌ڵه‌بجه‌)، به‌شداریمانكرد له‌ كۆبوونه‌وه‌ی نائاسایی ئه‌نجومه‌نی وه‌زیرانی عیراق، به‌ سه‌رۆكایه‌تیی مسته‌فا كازمی، سه‌رۆك وه‌زیران به‌ به‌شداریی هه‌مو پارێزگاره‌كانی عیراق و هه‌رێمی كوردستان و لایه‌نه‌ په‌یوه‌ندیداره‌كان به‌ هه‌ڵبژاردنه‌كانی ئه‌نجومه‌نی نوێنه‌رانی عیراقه‌وه‌".

ئاماژەی بەوەشکردووە  "له‌ كۆبوونه‌وه‌كه‌دا له‌ سه‌ر پێشنیازی پارێزگاره‌كانی پارێزگاكانی هه‌رێمی كوردستان، به‌ نوێنه‌رایه‌تی هه‌رێمی كوردستان له‌ باره‌ی پێداویستیی و ئاماده‌كارییه‌كان بۆ هه‌ڵبژاردنه‌كانی ئه‌نجومه‌نی عیراق و دابینكردنی زه‌مینه‌ و ده‌رفه‌تی هاوبه‌ش و یه‌كسان بۆ كاندیده‌كان به‌ تایبه‌تی له‌ ناوچه‌كانی مادده‌ی 140ی ده‌ره‌وه‌ی دۆخی ئێستای هه‌رێمی كوردستان، دابینكردنی بودجه‌ و پێداویستیی هێزه‌كانی ناوخۆ بۆ به‌ڕێوه‌بردنی ئه‌ركه‌كانیان له‌ پرۆسه‌ی هه‌ڵبژاردن و مافی پارێزگاكانی هه‌رێمی كردستان له‌ بوجه‌ی په‌ره‌پێدانی پارێزگاكان و دابینكردنی به‌نزین و نه‌وتی سپی بۆ هاوڵاتییان، داواكاریی و پێشنیازی خۆمانمان خسته‌ به‌رده‌م ئه‌نجومه‌نی وه‌زیرانی عیراق".

ئه‌وه‌شی خسته‌ڕوو "هاوكاری و هه‌ماهه‌نگیی به‌رده‌وامی سه‌رۆكایه‌تیی ئه‌نجومه‌نی وه‌زیرانی حكومه‌تی هه‌رێمی كوردستان و وزاره‌تی ناوخۆی هه‌رێمی كوردستان و یه‌كه‌ كارگێڕییه‌كان و فه‌رمانگه‌ په‌یوه‌ندیداره‌كانمان له‌گه‌ڵ كۆمسیۆنی باڵای سه‌ربه‌خۆی هه‌ڵبژاردنه‌كان و ئۆفیسی كۆمسیۆن له‌ پارێزگاكاندا خسته‌ڕوو، هه‌روه‌ها له‌ كۆبوونه‌وه‌كه‌دا چه‌ندین بڕیاری پێویست بۆ سه‌رخستنی هه‌ڵبژاردنه‌كان دران".

س،س