مەودا میدیا-

ئەندامێکی لیژنەی دارایی لە ئەنجومەنی نوێنەرانی عیراق رایدەگەیەنێت حکومەتی عێراق لە بودجەی داهاتوودا دەرگای دامەزراندن دەکاتەوە، ئاماژەی بەوەشکردووە لە دوو ساڵی رابردوودا بەهۆی سەرهەڵدانی کۆرۆنا و دابەزینی نرخی نەوتەوە عێراق توشی گرفتی دارایی بووەوە.

ناجی سەعیدی، ئەندامی لیژنەی دارایی ئەنجومەنی نوێنەرانی عیراق  رایگەیاندووە "حکومەتی عیراق لە بودجەی داهاتوودا دەرگای دامەزراندن دەکاتەوە، هەروەها لە دوو ساڵی رابردوودا بەهۆی سەرهەڵدانی کۆرۆنا و دابەزینی نرخی نەوتەوە عێراق توشی گرفتی دارایی بووەوە، بەرزەمووچە و سەرەمووچەی فەرمانبەرانیش راگیرا".

ئاماژەی بەوەشکردووە "بەهۆی نەمانی کورتهێنان لە بودجە و گەڕانەوەی داهاتێکی زۆر بۆ حکومەت وەزارەتەکان دەتوانن سەرەمووچە و بەرزەمووچەش دەستپێبکەنەوە، هەروەها بەپێی یاسا هەر فەرمانبەرێکی گرێبەست پێنج ساڵ خزمەتی گرێبەستی تەواوکرد دەکرێتە فەرمانبەری هەمیشەیی".

س.س