مەودا میدیا-

ئەمینداری گشتیی بزووتنەوەی عەسائیب ئەھل حەق رایگەیاند، دەستی ئیمارات و سعودیە دەبڕین گەر هەوڵی دەستوەردان  و پێشێلکاری بکەن لە هەڵبژاردنەکانی عیراقدا.

قەیس خەزعەلی، ئەمینداری گشتیی بزووتنەوەی عەسائیب ئەھل حەق سەبارە بە هەڵبژاردنەکانی عیراق و هەوڵی دەست تێوەردانی ئیمارات و سعودیە بە میدیاکانی راگەیاند "دەستی ئیمارات و سعودیە دەبڕین گەر هەوڵی دەستوەردان  و پێشێلکاری بکەن لە هەڵبژاردنەکانی عیراقدا".

سەبارەت بە یەکخستنی حەشدی شەعبی و سوپای عیراقیش ئاماژەی بەوەکرد "بەھیچ شێوەیەک قبوڵ ناکەین حەشدی شەعبی تێکەڵ بە سوپای عیراق بکرێت، چونکە ھێز و تواناکانیان لەدەستدەدەن".

هاوکات لە بارەی ئەو گرێبەستە ئابورییەی لە نێوان سین و عیراق واژۆکراوە رایگەیاند "گرێبەست سینی لەماوەی یەک ساڵدا عیراق بەئابوورییەکی زۆرەوە ھەڵدەستێنێتەوە".

خەزعەلی جەختیشیکردەوە، دەبێت تا کۆتایی ئەمساڵ هێزەکانی ئەمەریکا لە عیراق بکشێنەوە و خاکی عیراق جێبهێڵن. 

ر. ر