مەودا میدیا-

رێبەری رەوتی سەدر لەبارەی پرۆسەی دەنگدانی گشتییەوە پەیامێکی بڵاوکردەوە و هیوا دەخوازێت کاتەکانی ئێوارە بەشداریکردنی هاوڵاتییانی لە پرۆسەی دەنگدان کارا تربێت و رێژەکەی زیاتر بێت.

موقتەدا سەدر، رێبەری رەوتی سەدر پەیامێکی بڵاوکردەوە رایگەیاند "پرۆسەی دەنگدان لەکاتەکانی بەیانی بەشێوەیەکی باش و ئاشتەوایی بەڕێوەچوو، هیوادارم بۆ کاتەکانی ئێوارەش بەهەمان شێوەبێت".

رێبەری رەوتی سەدر لە پەیامەکەیدا هیوای خواست، کاتەکانی ئێوارە بەشداریکردنی هاوڵاتییانی لە پرۆسەی دەنگدان کارا تربێت و رێژەکەی زیاتر بێت.

جێگای ئاماژەیە، بەیانی ئەمڕۆ 10ی تشرینی یەکەمی 2021 پرۆسەی دەنگدانی گشتی لە پارێزگاکانی هەریمی کوردستان و عیراق دەستیپێکرد و هاوڵاتییان روویان لە سندوقەکانی دەنگدان کرد، بەڵام رێژەی بەشداریکردنی هاوڵاتییان زۆر کەمە لە پرۆسەی دەنگدان.

س،ر