مەودا میدیا-

بڕیاربوو کاتژمێر 3:00ی ئەمڕۆ دووشەممە ئەنجامی دەنگدانی گشتیی عیراق رابگەیەندرێت، بەڵام بە چەند هۆکارێک راگەیاندنی ئەنجامەکان بۆ کاتێکی نادیار دواخرا.

پێش کاتژمێر 3:00 دادوەر جەلیل عەدنان، سەرۆكی كۆمسیۆنی باڵای سەربەخۆی هەڵبژاردنەكانی عیراق لە كۆنگرەیەكی رۆژنامەوانیدا رایگەیاند "كەمێكی دیكە لە سایتی كۆمسیۆنەوە ئەنجامی دەنگدانی 10 پارێزگا رادەگەیەنن، وتیشی، ئەو پارێزگایانەی ئەمڕۆ ئەنجامەكانیان راناگەیەندرێن بەهۆی ئەوەیە تائێستا ئەنجامەكانیان بەدەست كۆمسیۆن نەگەیشتوون".

سەرۆكی كۆمسیۆنی هەڵبژاردنەكان ئەوەشی خستەڕوو "ئەنجامی بەرایی پارێزگاكانی، دیالە، دیوانیە، موسەننا، میسان، واست، دهۆك، سەڵاحەدین، كەربەلا، نەجەف و هەولێر رادەگەیەنن، بەڵام لە هەندێك شوێن كێشە هەیە سبەی دەنگەكانی ئەوانیش یەكلاییدەكرێنەوە".

ر. ر