مەودا میدیا-

ئەندامی تیمی راگەیاندن لە کۆمسیۆنی باڵای سەربەخۆی ھەڵبژاردنەکانی عیراق رایگەیاند تائێستا کۆمسیۆن پرۆسەی دووبارە ژماردن و جیاکردنەوەی دەنگەکان بە دەست بۆ 14 ھەزار و 621 وێستگە ئەنجامداوە.

عیماد جەمیل، ئەندامی تیمی راگەیاندن لە کۆمسیۆنی باڵای سەربەخۆی ھەڵبژاردنەکانی عیراق لە لێدوانێکی رۆژنامەوانییدا رایگەیاند " دوای راگەیاندنی ئەنجامە بەراییەکانی ھەڵبژاردنەکانی پێشوەختەی ئەنجومەنی نوێنەرانی عیراق بەشێک لەلایەنەکان تانەیان لە ئەنجامە بەراییەکان دا، هەروەها لەسەر بنەمای پەسەندکردنی ژمارەیەک لە تانەکان، پرۆسەی دووبارە ژماردن و جیاکردنەوەی دەنگەکان بە دەست بۆ ژمارەیەک وێستگە ئەنجامدراوە".

ئاماژەی بەوەشکرد "تائێستا کۆمسیۆن پرۆسەی دووبارە ژماردن و جیاکردنەوەی دەنگەکان بە دەست بۆ 14 ھەزار و 621 وێستگە ئەنجامداوە و ساختەکاری لە پرۆسەی دووبارە ژماردن و جیاکردنەوەی دەنگەکان بە دەست رووی نەداوە".

س،ر