مەودا میدیا-

بەرێوەبەرایەتیی گشتیی هاتوچۆی عیراق بڕیاریدا لە هەفتەی داهاتووەوە ئۆتۆمبێلە بێ سەرەتاکان تۆمار بکات، ئەوەشی ئاشکرا کردووە پرۆسەکەش ماوەی دوو مانگ بەردەوام دەبێت.

عەمید حەیدەر کەریم، بەڕێوەبەری راگەیاندن و پەیوەندییەکانی بەرێوەبەرایەتیی هاتوچۆی عیراق بە میدیای فەرمی عیراقی راگەیاندووە "بە بڕیاری بەڕێوەبەری گشتیی هاتوچۆ بڕیاڕدراوە لە سێشەممەی داهاتووەوە دەستبكەن بە تۆماركردنی ئەو ئۆتۆمبێلانەی کە بێ ژمارە و بێ سەرەتان".

ئاماژەی بەوەشکردووە "تۆمارکردنەکە ماوەی دوو مانگ دەخایەنێت و ئەو ئۆتۆمبێلانەش دەگرێتەوە کە هیچ پێشینەیەکیان لەلای هاتوچۆ نییە، هەروەها ئەو ئۆتۆمبێلانەشی کە لە ئێستادا دەستیان بەسەرداگیراوە خاوەنەكانیان دەتوانن تۆماری بكەن و دواتر ئازاد دەکرێن".

س،ر