مەودا میدیا-

کۆمپانیای هێڵی ئاسمانی عیراق مەرجە نوێیەکانی گەشتکردنی ئاشکرا کرد، بەپێی مەرجەکان بێت دەبێت ئەو کەسەی گەشت دەکات بڕوانامەی نێودەوڵەتی بەكارهێنانی ڤاكسین دەربهێنن.

لە راگەیەندراوێکدا كۆمپانیای هێڵی ئاسمانی عیراقی رایگەیاند "لەسەر رێنماییەكانی دەسەڵاتی فڕۆكەوانی شارستانی عیراق بڕیاردرا سەرجەم ئەو گەشتیارانەی وڵات كە دەیانەوێت سەردانی دەرەوەی عیراق بكەن ناچار دەكرێن بڕوانامەی نێودەوڵەتی بەكارهێنانی ڤاكسین دەربهێنن".

هێڵی ئاسمانی عیراق ئاماژە بەوەشکردووە "هەر كەسێك گەشتی دەرەوەی وڵات دەكات، پێویستە 72 کاتژمێر پێش گەشتەكەی پشكنینی كۆرۆنا ئەنجامبدات".

س،ر