مەودا میدیا-

شانەی راگەیاندنی ئەمنی عیراق لەبارەی دۆخی ئەمنی گوندی لهێبانی سەر بە ناحیەی سەرگەڕیان لە باکووری پارێزگای کەرکوک راگەیەندراوێکی بڵاوکردەوە و رایدەگەیەنێت لەئێستادا گوندەکە پارێزراوە.

لە راگەیەندراوەکەدا هاتووە "ھێزە ئەمنییە ھاوبەشەکان لە ئێستادا کاردەکەن بۆ گەڕاندنەوەی دانیشتووانی گوندەکە بۆ ماڵ و زێدی خۆیان، پێشتر گوندەکە لەلایەن چەکداری داعشەوە ھەڕەشەی لەسەربووە".

ئەوەشخراوەتەڕوو "لەئێستادا گوندەکە بەتەواوەتی پارێزراوە لەلایەن ھێزەکانی فیرقەی چواردەی سوپای عیراق و ھێزی میحوەری پێنجی ھێزەکانی پێشمەرگەوە".

جێگەی ئاماژەیە، له‌ چه‌ند شه‌وى رابردوودا چەکدارانی داعش پەلاماری گوندی لهێبانی سەر به‌ ‏ناحیەی ‏سەرگەڕانیان دا و دانیشووانی گوندەکەش ڕووبەڕوویان بوونەوە. 

س.ر