مەودا میدیا-

بەمەبەستی دامەزراندنییان ئەو خوێندکارە یەکەمانەی داواکارییان لە دیوانی چاودێری دارایی و دەستەی دەروازە سنوورییەکان و ئەنجومەنی دەوڵەت پێشکەش کردبوو چاوپێکەوتنیان لەگەڵ دەکرێت.

ویسام لھێبی، وتەبێژی فەرمی ئەنجومەنی راژەی گشتیی فیدڕاڵی ئاماژەی بەوەکرد "ئەو خوێندکارانەی بڕوانامەی بەکالریۆسیان ھەیە و یەکەم بوون و بەمەبەستی دامەزراندنییان داواکارییان لە دیوانی چاودێری دارایی و دەستەی دەروازە سنوورییەکان و ئەنجومەنی دەوڵەت پێشکەش کردبوو لە رێکەوتی 13 و 14ی 12ی 2021 چاوپێکەوتنییان لەگەڵ دەکرێت".

ئەوەشی خستووەتەڕوو "چاوپێکەوتنەکە لە ئۆفیسی سەرەکی ئەنجومەنی راژەی گشتیی فیدڕاڵی لە ناوچەی عەلاوی بەرانبەر وێستگەی جیھانی بۆ ھێڵی ئاسنین بەڕێوەدەچێت".

باسی لەوەشکردووە، داوا لەو کەسانە دەکات داواکارییان پێشکەش کردووە بەردەوام ئاگاداری ئیمەیڵەکانیان بن بەمەبەستی ئاگادارکردنەوەیان لە کات و شوێنی چاوپێکەوتنەکانییان.

ر. ب