مەودا میدیا-

جارێکی دیکە بە سێ مووشەک بنکەی سەربازیی زێلکانی سوپای تورکیا لەناحیەی باشیکی سەربە پارێزگای موسڵ کارەیە ئامانج. 

میدیا عیراقییەکان بڵاویانکردەوە، بنکەی سەربازیی زێلکانی تورکیا لە پارێزگای موسڵ بە سێ مووشەک کراوەتە ئامانج، دوو لە مووشەکەکان کەوتوونەتەخوارەوە و سێیەمیان بەرلەوەی بکەوێتەخوارەوە تەقیوەتەوە.

ئەوەش هاتووە، مووشەکەکان لە دەشتی نەینەواوە ئاراستەی بنکەکە کراون و هیچ بریندارێکیش لە هێزەکانی تورکیای ناو بنکەکە نەبووە.

بنکەی زێلکان لەلایەن سوپای تورکیاوە بە بیانوی هێرش کردن بۆسەر پارتی کرێکارانی کوردستان (پەکەکە) ناوبەناو  هێرش دەکاتە سەر ناچە سنوورییەکانی هەرێمی کوردستان، ئەمەش حکومەتی عیراقی نیگەرانکردووە و بەپێشێلکردنی سەروەریی خاکی عیراق ناویدەبات.

ر. ئ.