مەودا میدیا-

هاوپەیمانیی سەروەری بڕیاریدا کۆبوونەوەی سبەینێی پەرلەمانی عیراق بایکۆت بکات و ئاشکراشیکرد بەمەبەستی گەیشتنی لایەنەکان بە رێککەوتنێکی هاوبەش ئەو بڕیارەیان داوە.

ئێوارەی ئەمڕۆ یەکشەممە، هاوپەیمانێتیی سەروەری لە راگەیەندراوێکدا بڵاویکردەوە، کۆبوونەوەی سبەینێی پەرلەمانی عیراق تایبەت بە دەنگدان بۆ پۆستی سەرۆک کۆمار بایکۆت دەکەن.

ئاماژەی بەوەشکردووە، لەپێناو گەیشتنی لایەنەکان بە رێککەوتنێکی هاوبەش و گەیشتن بە چارەسەری کێشەکان بڕیاری بایکۆتکردنی کۆبوونەوەکەیان داوە.

دوێنێش فراکسیۆنی سەدر لەپەرلەمانی عیراق بڕیاری بایکۆتی کۆبوونەوەی پەرلەمان و هەڵپەساردنی دانوستانەکانی بۆ پێکهێنانی کابینەی نوێی حکومەت دا.

ر. ئ.