مەودا میدیا-

ئەنجومەنی باڵای دادوەریی عیراق، بڕیاریدا سبەینێ چوارشەمە کاری ئاسایی دادگەکان دەستپێبکاتەوە.

لە راگەیەنراوێکدا ئەنجومەنی باڵای دادوەری لە عیراق، رایگەیاند "دوای کشانەوەی خۆپیشاندەران لەبەردەم بارەگای سەرەکی ئەنجومەنی باڵای دادوەری لە بەغدا، بڕیاریاندا سبەینێ رۆژی چوارشەممە دەست بەکاری ئاسایی خۆیان بکەنەوە".

لە راگەیەنراوەکەدا باسی ئەوەشکراوە "ئەو بڕیارە سەرجەم دادگەکانی عیراق دەگرێتەوە".

ئەوەش لەکاتێکدایە ئەمڕۆ لایەنگرانی سەدر چوونە بەردەم بارەگای ئەنجومەنی دادوەری و لە بەرانبەردا ئەنجومەنەکە سەرجەم کاری دادگەکانی لە عیراق هەڵپەسارد.

ن. ن