مەودا میدیا-

فەرمانگەی لێكۆڵینەوەكانی دەستەی دەستپاكیی عیراق ئاشکرایکرد دادگە بڕیاری شەش ساڵ زیندانیکردنی بۆ بریکاری وەزارەتی ئاوەدانکردنەوە و نیشتەجێكردن و شارەوانییە گشتییەکان، پشکنەری گشتی لە وەزارەتەكە و بەڕێوەبەری گشتیی بەشی پلاندانان و بەدواداچوونی هەمان وەزارەت دەرکرد.

ئەمڕۆ چوارشەممە 24ی ئابی 2022 فەرمانگەی لێكۆڵینەوەكانی دەستەی دەستپاكیی عیراق رایگەیاند "دادگەی تاوانەكانی ناوەندیی بەرەنگاربوونەوەی گەندەڵ  به‌بێ ئاماده‌بوونی خۆیان، سزای شەش ساڵ زیندانیكردنی بۆ بریکاری وەزارەتی ئاوەدانکردنەوە و نیشتەجێكردن و شارەوانییە گشتییەکان، پشکنەری گشتی لە وەزارەتەكە و بەڕێوەبەری گشتیی بەشی پلاندانان و بەدواداچوونی هەمان وەزارەت دەرکرد".

ئاماژە بەوەشکراوە "ئەو بڕیارە بەپێی بڕگەكانی مادەی 340 لە یاسای سزادان دەرچووە، بەھۆی درێژكردنەوەی وادەی جێبەجێكردنی پرۆژەی بە مۆدێرنكردنی دیزاینی بنەڕەتیی شاری نەجەف بۆ كۆمپانیای جێبەجێكار بەدەر لە یاسا".

س.ر