مەودا میدیا-
بەپێی پێشبینییەكانی كەشوهەوا لە 48 كاتژمێری داهاتوودا ئاسمان ساماڵ دەبێت و ئەگەری بوونی تۆزێكی سووك لە هەندێك ناوچەی هەرێم هەیە، لەگەڵ ئەوەشدا پلەكانی گەرما روو لە بەرزبوونەوە دەكەن.

بەپێی پێشبینییەكانی بەڕێوەبەرایەتی كەشناسی و بوومەلەرزەزانی هەرێمی كوردستان،  ئەمڕۆ ئاسمان ساماڵ دەبێت و ئەگەری بوونی خۆڵ و تۆز هەیە لە ناوچەی جیاوازی هەرێم، بە شێوەیەكی گشتیش پلەكانی گەرما بەراورد بە تۆمارەكانی دوێنێ یەك بۆ دوو پلە روو لە بەرزبوونەوە دەكەن. 
 
كەشناسی هەرێم ئاماژەی بۆ ئەوەشكردووە، سبەی شەممە، بە هەمان شێوە ئاسمان ساماڵ دەبێت، بەڵام لە باشوری هەرێم بە تایبەتی شاری كەركوك، رێژەی دابارینی تۆز و خۆڵ زیاتردەبێت.

بەرزترین پلەكانی گەرمای پێشبینیكراو بە پلەی سیلیزی 
هەولێر: 43
سلێمانی: 40
دهۆك: 39
كەركوك: 44
هەڵەبجە: 40
گەرمیان: 46
زاخۆ: 40
سۆران: 40
حاجی ئۆمەران: 26
ئ.پ