مه‌ودا میدیا-

حه‌وت ساڵ پێش ئێستا، پارتى دیموكراتى كوردستان به‌بێ گوێگرتن بۆ لایه‌نه‌ ناوخۆیی و ده‌ره‌كییه‌كان و ئاگاداكردنه‌وه‌كانى ئه‌مه‌ریكا ریفراندۆمى كرد و ئه‌نجامه‌كه‌شى ئه‌وه‌بوو كوردستان له‌پێش ریفراندۆم لاوازتربوو.

مه‌سعود بارزانى، سه‌رۆكى ئه‌وكاته‌ى هه‌رێم، به‌بێ گوێدانه‌ لایه‌نه‌كانى تر و به‌بێ پاڵپشتى لایه‌نى ده‌ره‌كى به‌تایبه‌ت ئه‌مه‌ریكا، بڕیاریی ریفراندۆمى دا و رۆژى 25ى ئه‌یلول، 2017 خه‌ڵك به‌ هیواى سه‌ربه‌خۆیی ده‌نگیدا، به‌ڵام ریفراندۆمێك بوو به‌تامى شكست و گه‌ڕانه‌وه‌ بۆ دواوه‌ و لاوازبوونى هه‌رێم.

پارتى وه‌ك حزب و لایه‌نه‌گران و ئه‌ندامانى مژده‌ى سه‌ربه‌خۆییان به‌ گوێى خه‌ڵك ده‌دا، ده‌یانوت "باى باى عیراق" چیتر كوردستان ده‌بێته‌ ده‌وڵه‌ت "پاره‌ى عیراق حه‌رامه‌ و نامانه‌وێت" له‌ دواى حه‌وت ساڵ ئه‌گه‌ر به‌غدا پاره‌ نه‌نێرێت حكومه‌تى هه‌رێم ناتوانێت نیو مووچه‌ش بدات.

ئیَِستا كوردستان زۆر لاوازه‌ و به‌شى زۆرى بڕیاره‌كان لاى به‌غدایه‌، ئه‌وه‌ش له‌ ئه‌نجامى هه‌ڵه‌ى ئه‌و لایه‌نه‌بوو، نه‌ كوردستان سه‌ربه‌خۆبوو، نه‌ئابوورى سه‌ربه‌خۆى ما.