مه‌ودا میدیا-

رابه‌ری گشتیی بزووتنه‌وه‌ی ئیسلامیی كوردستان رایده‌گه‌یه‌نێت، به‌دوور نازانرێت له‌ رۆژانی داهاتودا پریشكی ئاڵۆزییه‌كانی رۆژهه‌ڵاتی ناوه‌ڕاست بگاته‌ عیراق و كاریگه‌ری دروستبكات و ببێته‌ مایه‌ی دواخستنی هه‌ڵبژاردنی په‌رله‌مانی كوردستان.

عیرفان عه‌لی عه‌بدولعه‌زیز، رابه‌ری گشتیی بزووتنه‌وه‌ی ئیسلامیی كوردستان بە ده‌نگی ئه‌مریكای رایگه‌یاند "تا ئێستا ئاراسته‌ی كاره‌كانی كۆمسیۆن به‌شێوه‌یه‌كی باش به‌ڕێوه‌ده‌ڕوات، به‌ڵام به‌هۆی ئه‌وه‌ی كوردستان په‌یوه‌ندی به ‌عیراقه‌وه‌ هه‌یه‌ و عیراقیش په‌یوه‌ندی به‌و كێشه‌ گه‌وره‌وه‌ هه‌یه‌ كه‌ ماوه‌ی 11 مانگه‌ له‌ رۆژهه‌ڵاتی ناوه‌ڕاستدا هه‌یه‌".

وتیشى "ئه‌گه‌رێكی زۆر هه‌یه‌ كه‌وا ئه‌و كێشه‌یه‌ له‌م چه‌ند رۆژه‌ به‌فراوان ببێت و عیراق و سووریا و لوبنانیش بگڕێته‌وه‌".

باسى له‌وه‌ش كرد "ئه‌و ئاڵۆزییه‌ ئه‌وكاته‌ی عیراق ده‌گرێته‌وه‌ ئه‌وه‌ به‌ دڵنیاییه‌وه‌ له‌ كه‌شێكی ناسالم و ناسازگاردا هه‌ڵبژاردن ناكرێت و دوا ده‌كه‌وێت".

ع