مه‌ودا میدیا-

سەرۆکی کۆمیسیۆنی باڵای هەڵبژاردنەکانی عیراق ڕایگەیاند، رێژەی گزی کردن و ساختەکاری لە هەڵبژاردنی پەرلەمانی کوردستان سفر دەبێت.

حاکم عومەر ئەحمەد، سەرۆکی کۆمیسیۆنی باڵای هەڵبژاردنەکانی عیراق لە کۆنفرانسێکی ڕۆژنامەوانیدا رایگەیاند "لەم هەڵبژاردنەدا بە هیچ شێوەیەک ساختەکاری ناکرێت و ئەوەی کارتی بایۆمەتری پێ نەبێت ناتوانێت دەنگبدات".

وتیشى "دەیان ئامێری ئەلیکترۆنی پێشکەوتوو لەکاتی دەنگدان بەکاردەهێنرێت و هەموو بڕگەکانی نەخشەپلانی کۆمیسیۆن بۆ هەڵبژاردنەکان جێبەجێ کراون".

باسى له‌وه‌شكرد "رێژەی گزیکردن و ساختەکاری لە هەڵبژاردنی پەرلەمانی کوردستان سفرە و دەرفەت بۆ هیچ لایەنێک نییە ساختەکاری بکات و ئامێرەکانی هەڵبژاردن لە کاتژمێر 7ى کار دەکەن و لە کاتژمێر 18 دەوەستن".

ع