مەودا میدیا-

جێگری سەرۆک وەزیرانی هەرێم لە راگەیاندراوێکدا ئاشکرای کرد "کێشەی مووچە لەگەڵ بەغداد چارەسەر دەبێت و هەوڵی تەواو دەدرێت هەموو مانگێک لە وادەی خۆیدا مووچەی فەرمانبەران بۆ هەرێم بنێردرێت".
   
قوباد تاڵەبانى، جێگرى سەرۆک وەزیرانى هەرێم رایگەیاند"لە چوارچێوەى رێکەوتنەکاندا کێشەى مووچە لەگەڵ بەغداد چارەسەردەکرێت".

وتیشی "بەپێى ئەو پلانەى دانراوە، دەبێت کێشەى مووچە تاوەکو کۆتایی ئەمساڵ چارەسەر بکرێت".

قوباد تاڵەبانی، ئەوەشی ئاشکراکرد "دەبێت بۆ ساڵى داهاتوو کێشەکانى مووچەی فەرمانبەرانی هەرێم لەگەڵ بەغداد بە تەواوى چارەسەر بووبێت و لە وادەی خۆیدا  مووچەی فەرمانبەران دابێنبکرێت".