مەودا میدیا-

وەزیری گواستنەوە و گەیاندنی عیراق رایگەیاند "سەرەتای ساڵی 2025 فڕۆکەخانەی نێودەوڵەتیی موسڵ بە رووی گەشتیاراندا دەکرێتەوە".

رەزاق موحەیبەس سەعداوی، وەزیری گواستنەوە و گەیاندنی عیراق وتیشی "86%ی کارەکانی دروستکردنی فڕۆکەخانەکە تەواو بووە و کارکردن تێیدا بەردەوامە".

سەعداوی، ئەوەشی خستەڕوو "کە محەمەد شیاع سوودانی، سەرۆک وەزیرانی عیراق لە نزیکەوە چاودێری کارەکانی دروستکردنی فڕۆکەخانەی موسڵ دەکات".