مەودا میدیا-

دەزگای شەھیدانی عیراق، شەھیدانی پێشمەرگە لە ناوچە دابڕێندراوەکان تۆمار دەکات.

عەبدولئیلالە نائیلی، سەرۆکی دەزگای شەھیدانی عیراق رایگەیاند "بەپێی ھەمواری یاسای نوێی دەزگای شەھیدان، هەموو ئەو شەھیدانەی ھێزەکانی پێشمەرگە کە لە سنووری پارێزگاکانی کەرکوک، سەڵاحەدین، دیالە و نەینەوا شەهیدبوون، لە دەزگای شەهیدانی عیراق هاوشێوەی سەربازانی عیراقی تۆمار دەکرێن".

وتیشی "بۆ تۆمارکردنی ناوی ئەو شەھیدانەی پێشمەرگە کە لە سنوورەکانی ژێر دەسەڵاتی حکومەتی فیدڕاڵ شەهیدبوون، ھەماھەنگی  لەگەڵ  وەزارەتی کاروباری شەھیدان و ئەنفالکراوانی ھەرێمی کوردستان دەکەن".

ب.ح