مه‌ودا میدیا-

پارێزگاری هەولێر بڵاوی كردەوە بۆ رووبه‌ڕووبوونه‌وه‌ى لافاو ئه‌گه‌رى باران بارین،  ئاماده‌كاریی بۆ وەرزی بارانبارین و زستانی ئەمساڵ ئەنجامدرا.

پارێزگارى هه‌ولێر بڵاویكرده‌وه‌ "دوای هەڵسەنگاندن بۆ كارەكانی ساڵانی رابردوو، بەر لە وەرزی بارانبارین لە پێناوی روونەدانی لافاو و كەمكردنەوەی مەترسییەكانی و چارەسەركردنی گرفتەكانی لە سەنتەری شار و دەروبەری ئەنجامدراون".

سەبارەت بە وەرزی بارانبارین و زستانی ئەمساڵ و ئامادەكاریی فەرمانگەكان "پارێزگاری هەولێر سەرجەم فەرمانگە پەیوەندیدارەكانی راسپارد بۆ گرتنەبەری رێوشوێنی پێویست و ئامادەكاریی زیاتر بە مەبەستی رێگریكردن لە هەر حاڵتێكی نەخوازراو".

هه‌روه‌ها "چارەسەركردنی ئەو خاڵە لاوازانەی كە دەبنە هۆی دروستبوونی پەنگخواردنەوەی ئاوی زیادە و بەردەوامیدان بە پاككردنەوەی چەپەرەكانی ئاو وەرگرتن و مەنهۆلەكان و خاوێنكردنەوەی ئاوەڕۆكان لە شەقامە گشتییەكان و كوچە و كۆڵانەكانی گەڕەكانی شار و پاككردنەوەی كەند و رێڕەوەكانی ئاوی سروشتی باران".

ع