مەودا میدیا-

دوای هاوتاکردن و زیادبوونی مووچەی خانەنشینان لە هەرێمی کوردستان، رۆژانە دەیان فەرمانبەر داوای خانەنشین بوونی پێشوەختە دەکەن.

وەزارەتی دارایی و ئابووری هەرێمی کوردستان، تەمەنی خانەنشینی ئارەزوومەندانە لە  لە 45 ساڵییەوە بۆ 50 ساڵ زیاد دەکات.

وەزارەتی دارایی و ئابووری هەرێم رایگەیاند "تەمەنی خانەنشینی ئارەزوومەندانە لە 45 ساڵییەوە بۆ 50 ساڵ، و خزمەتی فەرمانبەری لە 15 ساڵ خزمەتەوە بۆ 20 ساڵ بەرزدەکاتەوە".

ئەمەش لە کاتێکدایە، پێشتر هێزەکانی ناوخۆ بە 220 تاوەکو 280 هەزار دینار خانەنشین دەکران، بەڵام لە ئێستادا مووچەی خانەنشینی بووەتە 600 هەزار دینار، و بەم هۆیەوە رۆژانە دەیان فەرمانبەر داوای خانەنشین بوونی پێشوەختە دەکەن.

ب ح