مەودا میدیا-

کاروان یاروەیس، پەرلەمانتاری یەکێتی لە پەرلەمانی عیراق رایگەیاند "بۆ پشتیوانی لە تەوتینی مووچەی فەرمانبەرانی هەرێمی کوردستان، واژۆی 14 سەرۆک فراکسیۆنی کوردستانی و عیراقیمان کۆکردووەتەوە".

ئاماژەی بەوەشکردووە "هەڵمەتی کۆکردنەوەی واژۆی پەرلەمانتارانی عیراق بۆ پشتیوانی و جێبەجێکردنی بڕیارەکەی دادگای فیدڕاڵی لەبارەی تەوتینی مووچە دەستپێکردووە".

وتیشی "تاوەکو ئێستا 145 پەرلەمانتار و سەرۆکی 14 فراکسیۆنی کوردستانی و عیراقی پشتیوانیان لە پڕۆسەی تەوتینی مووچەی فەرمانبەرانی هەرێم کردووە و هەڵمەتەکەش بەردەوام دەبێت".
 ب ح