مه‌ودا میدیا-

ئێواره‌ى ئه‌مڕۆ به‌ هۆى دروستبوونى لافاوه‌وه‌ ژنه‌ شوانێك و زیاتر له‌ 150 سه‌ر مه‌ڕ لەسنووری پارێزگای كەركوك ئاو ده‌یبات و لە ئێستادا تەرمى ژنه‌كه‌ بۆ نەخۆشخانەی حەویجە گواستراوەتەوە.

ژن و مێردێكی شوان لەگەڵ رانە مەڕەكەیان، بەهۆی بارانبارینی بەخوڕ و دروستبوونی لافاو لە گوندى توێڕییەی ناحیەی عەباسی لە قەزای حەویجەی سەر بە پارێزگای كەركوك، كەوتنە ناو لافاوەوه‌ و به‌و هۆیه‌وه‌ ژنەكە خنكا و رانە مەڕەكەش ئاو بردى.

رووداوه‌كه‌ ئێواره‌ى ئه‌مڕۆ روویداوه‌ و لە ئێستادا تەرمی ژنه‌ شوانه‌كه‌ بۆ نەخۆشخانەی حەویجە گواستراوەتەوە.

شایه‌نى باسه‌، ژماره‌ى ئه‌و مه‌ڕانه‌ى ئاو بردوونى زیاتر له‌ 150 سه‌ر مه‌ڕه‌.

پ ح ع