مه‌ودا میدیا-

هه‌ر به‌هۆى ئه‌و شه‌ۆله‌ باران بارینه‌ى ناوچه‌كانى هه‌رێمى كوردستانى گرتووه‌ته‌وه‌، هه‌ر یه‌ك له‌ پەروەردەی شارەزوور و په‌روه‌رده‌ی شارباژێڕ، بڕیاریاندا سبه‌ینێ یه‌كشه‌ممه‌، له‌سه‌رجه‌م ناوه‌نده‌کانی خوێندنی سنووره‌كه‌یان بكرێته‌ پشوو.

له‌ راگه‌یه‌ندراوێكدا نەبیل حمەصاڵح عزیز، بەڕێوەبەری پەروەردەی شارەزوور رایگه‌یاندووه‌ "لەبەر نەگونجانی کەش و هەواو سەلامەتی گیانی مامۆستایان و خۆێندکاران و منداڵان و پشت بەستن بە پێشبینی کەشناسی و پاش وەرگرتنی رای بەڕێز قائیمقامی قەزای شارەزوور و بەپێی ئەو دەسەڵاتەی پێماندراوە بڕیارماندا سبەی (3-11-2024) لە سەرجەم ناوەندەکانی خۆێندن بکرێتە پشوو".

راشیگه‌یاندووه‌ "دوو سبەی (4-11-2024) دەوام ئاسایی دەبێتەوە".

هاوكات له‌ راگه‌یه‌ندراوێكى به‌ڕێوه‌به‌رێتى په‌روه‌رده‌ى شارباژێریشدا هاتووه‌ "به‌ راوێژ له‌گه‌ڵ به‌ڕێز قائیمقامی قه‌زای شارباژێڕ و ره‌چاوکردنی سرووشتی شارباژێڕ و له‌ پێناو پاراستنی گیانی مامۆستایان و قوتابیان و خوێندکاراندا، سبه‌ی له‌ سه‌رجه‌م ناوه‌نده‌کانی خوێندن پشوو ده‌بێت".

ئه‌مه‌ له‌ كاتێكدایه‌، به‌رێوه‌به‌رێتى قه‌زاى سه‌یدسادقیش پشووى راگه‌یه‌ندووه‌ و بڕیاریداوه‌ سبه‌ینێ له‌ سه‌رجه‌م ناوه‌نده‌كانى خوێندن بكرێته‌ پشوو.

پ ح ع