مەودا میدیا-

ئەحمەد تورک، هاوسەرۆکی گەورە شارەوانی مێردین، هەڵوێستی خۆی لەبارەی دەستبەسەرداگرتنی شارەوانییەکانی باکووری کوردستان راگەیاند.

ئەحمەد تورک لە لاپەڕە تایبەتەکانی خۆی لە تۆڕە کۆمەڵایەتییەکان رایگەیاند  "هیچ هەنگاوێک بۆ دواوە لە تێکۆشانی دیموکراسی، ئاشتی و ئازادی نانێین و رێگە بە دەستبەسەرداگرتنی ئیرادەی گەل نادەین".

ئەمە لە کاتێکدایە، بەرەبەیانی ئەمڕۆ 2024/11/4، پۆلیسی تورکیا بە فەرمانی وەزارەتی ناوخۆ ، هەڵیکوتایە سەر شارەوانییەکانی  مێردین ، ئیلح و خەلفەتی، پاشان  (قەیوم) کەسانی راسپێردراوی دەسەڵاتی (ئاکەپە - مەهەپە)یان بەسەر شارەوانییە کوردییەکاندا سەپاند.

ب ح