مه‌ودا میدیا-

پۆلیسی راپەڕین رایده‌گه‌یه‌نێت "تۆمەتبارێکیان لە کاتی دزینی سەرەمەنهۆڵدا دەستگیر کردووه‌ و له‌ به‌رده‌م پۆلیسیشدا دانی ناوه‌ بە تاوانەكەیدا".

لە راگەیەندراوێكدا بەڕێوەبەرایەتیی پۆلیسی راپەڕین ئرایگه‌یاندووه‌ "هێزەکانمان لە بنکەی پۆلیسی شارەوانیی قەڵادزێ، دوای بەدواداچوون و لێکۆڵینەوە لەسەر دیاردەی دزینی سەرەمەنهۆڵەکان، تۆمەتبارێکیان لەکاتی دزینی سەرەمەنهۆڵەکاندا دەستگیرکرد، دوای لێکۆڵینەوە لەگەڵیدا لەبەردەم پۆلیسدا دانی ناوە بە تاوانەکەیدا".

راشیگه‌یاندووه‌ "لەکاتی دەستگیرکردنیدا، تۆمەتبارەكە سێ سەرە مەنهۆڵی پێوە گیراوە و دەستیش بەسەر ماتۆڕسکیلەکەیدا گیراوە". 

له‌ راگه‌یه‌ندراوه‌كه‌دا ئه‌وه‌ش هاتووه‌ "تۆمەتبارەكە بە بڕیاری دادوەری لێکۆڵینەوە، بەپێی ماددەی 444 لە یاسایی سزادانی عیراقی راگیر کرا، دوای گرتنەبەری رێوشوێنی یاسایی دۆسیەکە رەوانەی نووسینگەی نەهێشتنی تاوانی پشدەر کرا".

پ ح ع