مه‌ودا میدیا-

سه‌رچاوه‌یه‌كى ئاگادار به‌ مه‌ودا میدیاى راگه‌یاند "تا ئێستا وردبینى له‌ لیستى مووچه‌ى مانگى 10ى فه‌رمانبه‌رانى هه‌رێم ته‌واو نه‌بووه‌ و ناردنى پاره‌ش دواده‌كه‌وێت".

به‌پێى زانیارییه‌كانى مه‌ودا میدیا "لیستى مووچه‌ى مانگى 10 فه‌رمانبه‌رانى هه‌رێم هه‌فته‌یه‌كه‌ له‌به‌رده‌م وه‌زاره‌تى دارایی عیراقه‌ و تا ئێستا وردبینى ته‌واو نه‌بووه‌، هۆكاره‌كه‌ش ئه‌وه‌یه‌ هه‌رێم لیستێكى پڕ كێشه‌ى ناردووه‌".

بۆ مووچه‌ى مانگى نۆى فه‌رمانبه‌رانى هه‌رێم "وه‌زاره‌تى دارایی عیراق داواى 997 ملیار دینارى كردبوو، به‌ڵام له‌ لیستى مووچه‌ى مانگى 10 داواى 996 ملیارى كردبوو، به‌بێ هیچ روونكردنه‌وه‌یه‌ك یه‌ك ملیار كه‌متر له‌ مانگى نۆ داواكرابوو".

هه‌ر به‌پێى زانیارییه‌كانى مه‌ودا میدیا "له‌م هه‌فته‌یه‌دا مووچه‌ى مانگى 10 دابه‌ش ناكرێت".

ع