مەودا میدیا-

سەباح حەبیب، ئەندامی پەرلەمانی عیراق رایگەیاند "لە هەمواری یاسای بودجەی 2025دا کار بۆ ئەوه دەکرێت پلە بەرزكردنەوەی فەرمانبەرانی هەرێمی کوردستان دەستپێبكاتەوە".

ئاماژەی بۆ ئەوەشکرد "لەئێستادا خوێندنەوەی یەكەم بۆ هەمواری یاسای بودجە كراوە و بەپێی هەموارەكە لەلایەن لیژنەی داراییەوە تاوتوێ دەكرێت".

ئەوەشی خستەڕوو "پرسی دەستپێكردنەوەی پلە بەرزكردنەوەی فەرمانبەرانی هەرێمی کوردستان، پێویستە لە هەمواری یاسای بودجەدا جێگەی بۆ بكرێتەوە و دواتر بخرێتە دەنگدانەوە و دەنگی لەسەر بدرێت".

ئەمەش لە کاتێکدایە، حکومەتی هەرێم بەناوی قەیرانی داراییەوە لەساڵی 2016وە تاوەکو ئێستا پلە بەرزكردنەوەی فەرمانبەرانی مەدەنی راگرتووە.

ب ح