مەودا میدیا-

قائیمقامیەتی ناوەندی سلێمانی ئاماری کارو بەدواداچوونەکانی لیژنەکانی بۆ مانگی هەشت بڵاوکردەوە و ئاشکرایکرد تەنها مانگی رابردوو پێنج شوێنکاریان داخستووە.

قائیمقامیەتی ناوەندی سلێمانی رایگەیاند "مانگی رابردوو نزیکی (36) تۆن خۆراک و کەرەستەی خراپ و ماوەبەسەرچوو لەناوبراوەو پێنج شوێنی کارکردنیش داخراون".

ئاماژەی بۆ ئەوەشکرد "لیژنەکانیان شەش هەزار و 149 سەردانیان لە سنووری شاری سلێمانی ئەنجامداوە و پسووڵەی سەرپێچیان بۆ (390) شوێنکار کردووە".

ئەوەشی خستەڕوو " شەش حاڵەتی دادگا تۆمارکراوەو هەشت شوێنکار بەهۆی سەرپێچییەوە داخراون هەر لە مانگی رابردوودا (50) ملیۆن دینار سزای دارایی ئەو شوێنکارانە دراوە کە پابەندی رێنماییەکانی نەبوون".

ب ح