مەودا میدیا-

وتەبێژی بەڕێوەبەرایەتی پۆلیسی پارێزگای هەڵەبجە ئاشکرایکرد لەماوەکانی رابردوودا بەڕێوەبەرایەتی پۆلیسی پارێزگای هەڵەبجە بەهاوبەشی بەڕێوەبەرایەتی هاتوچۆی پارێزگای هەڵەبجە ژمارەیەکی زۆر لە ماتۆڕسکیلی بێسەرەتا دەستیان بەسەردا گیراوە.

ئاکام قوتبەدین ئاغاوەیس، وتەبێژی پۆلیسی هەڵەبجە رایگەیاند"لەبەش و بنکەکانی سەربەبەڕێوەبەرایەتیان دەستیان بەسەر زیاتر لە 150 ماتۆڕسکیلدا گرتووە، جگە لەو ماتۆڕسکیلانەی بە بڕیاری دادوەر دەستیان بەسەرداگیراوە".

ئاماژەی بۆ ئەوەشکرد "داوا لە هاوڵاتییانی سنووری پارێزگای هەڵەبجە دەکەن دووربکەونەوە لە بەکارهێنانی ماتۆڕسکیلی بێسەرەتا، چونکە هۆکاری زۆربەی رووداوەکانی هاتوچۆیە".