مەودا میدیا-

شارەزایەکی بواری کەشناسی ئاشکرایکرد رۆژی هەینی بەهۆی زیاد بوونی خێرایی با لە ئاڕاستەی رۆژئاواوە بەرەو ناوچەکانی هەرێم بۆ رێژەیەکی بەرز و سەروی 20 بۆ 25 کم لە کاتژمێرێکدا بەوهۆیەوە شەپۆلێکی خۆڵبارینی چڕ لە درەنگانی شەوی هەینییەوە روو ده کاتەوە ناوچە جیاوازەکان.

شاڵاو هیدایەت، شارەزای بواری کەشناسی رایگەیاند "خۆڵبارینەکە لە زۆربەی ناوچەکان چڕ دەبێت و جگە لەسنووری بادینان کە لاواز بۆ مام ناوەند دەبێت ، درەنگانی شەوی هەینی و شەوی هەینی لەسەر شەممە و بۆ  بەیانی شەممە چەقی چڕی خۆڵبارینەکەیە و رۆژی شەممە بەتێپەڕ بوونی کات و بەهۆی کەم بوونەوەی خێرایی با له رۆژئاواوە وە وردە ورده خۆڵبارینەکەش بەرەو کەمبوونەوەو لاوازی دەچێ و رۆژی یەکشەممەو به ولاوە بەتەواوی کۆتایی پێدێت و نامێنێت دۆخەکە ئاسایی دەبێتەوە".

ئاماژەی بۆ ئەوەشکرد "دوانیوەڕۆ بۆ درەنگانی هەینی و شەوی هەینی لەسەر شەممە بەتایبەتی حاڵەتێکی لاوازی باران و هەورە بروسکە بەشێکی ناوچە شاخاوییەکانی سنوری بادینان هەولێر و راپەرین دەگرێتەوە لە بەرانبەر گونجانی بارودۆخ حاڵەتەکە زیاتر دێتە خوارەوە تایبەت بۆ نزیک شاخەکان بەڵام بەگشتی لەبەرئەوەی یەکەم حاڵەتە و ناوچەکە وشکە رەنگە رووبەری کەم و زۆر نەگرێتەوە".

ئەوەشی خستەڕوو "بەهۆی دابەزینی بارستە هەوایەکی فێنک بۆ نیمچە ساردی باکوور پلەکانی گەرما بەڕێژەی ( 3 تاوەکو 5) پلە دادەبەزن تایبەت لە هەینی و بۆ رۆژانی دواتر وە کەشی پایزی لە ناوچەکان له و وادەو بەولاوە دەستپێدەکات".

ب ح