مەودا میدیا-

ئەمڕۆ دیداری ئاڕاستەی کوردساتی بزووتنەوەی گۆڕان بە بەشداری زیاتر لە هەزار و 400 ئەندام و هەڵسوڕاوی گۆڕان لە سلێمانی بەڕێوەچوو کە چەند بڕیار و راسپاردەیەكی بۆ داهاتووی بزووتنەوەکە گەڵاڵە کرد.

دلێر عه‌بدولخالق، وته‌بێژی‌ دیداری ئاڕاستەی كوردساتی گۆڕان رایگەیاند "رایەڵە و هەڵسوڕاوان و گۆڕانخوازان سوورن لەسەر به‌هێزكردنه‌وه‌ی‌ په‌یكه‌ری‌ رێكخراوه‌یی و رێكخستنه‌وه‌ و خۆئاماده‌كردن بۆ كۆنفرانسی‌ گشتیی بزووتنەوەکەیان".

ئاماژەی بۆ ئەوەشکرد "پاشه‌كشه‌ی‌ بزووتنه‌وه‌ی‌ گۆڕان به‌ پرۆسه‌ی‌ سیاسی‌ هه‌رێمی‌ كوردستانه‌وه‌ دیاره‌ و ده‌ركه‌وت به‌دیلی‌ گۆڕان هه‌ر گۆڕانه‌، بۆیە ئێستاش درەنگ نەبووە بۆ گۆڕانکاریی".

ئەوەشی خستەڕوو "لە دیداری گۆڕاندا چه‌ند بڕیار و راسپارده‌یه‌ک  بۆ کاری داهاتووی بزووتنەوەکەیان  لەلایەن گۆڕانخوازانەوە پێشنیار كراون":

1-خۆئاماده‌كردن بۆ به‌ستنی‌ كۆنفرانسیی‌ گشتیی‌ له‌ژێر چاودێری‌ و رێنمایی كۆمسیۆنی‌ باڵای‌ هه‌ڵبژاردنه‌كانی‌ عیراق.

2-به‌سه‌رپه‌رشتی‌ دانا ئه‌حمه‌د مه‌جید لیژنه‌یه‌كی‌ تایبه‌ت پێكده‌هێنرێت بۆ كۆكردنه‌وه‌ و بژاركردنی‌ باری سه‌رنج و پێشنیار و بۆچونی‌ هەڵسوڕاوان و گۆڕانخوازان.

3-داڕشتنه‌وه‌ی‌ نه‌خشه‌ڕێگای‌ سیاسی‌ و وتاری‌ سیاسی‌ كه‌ هه‌ڵقوڵاوی‌ داخوازییه‌ ره‌واكانی‌ هاوڵاتییانی‌ هه‌رێم بێت.

ب ح