مەودامیدیا-

وەزیری کشتوکاڵ و سەرچاوە ئاوییەکانی حکومەتی هەرێمی کوردستان رایدەگەیەنێت لە رۆژانی دووەم و سێیەمی جەژندا کە قەدەغەی هاتووچۆیە کار ئاسانی بۆ هاتووچۆی ئۆتۆمبێلی سەوزە و میوە دەکرێت.

بێگەرد تاڵەبانی، وەزیری کشتوکاڵ و سەرچاوە ئاوییەکانی حکومەتی هەرێمی کوردستان رایگەیاند "لە رۆژانی دووەم و سێیەم رۆژی جەژندا کە بڕیاری کردنەوەی عەلوەکانمان داوە، کار ئاسانی کار ئاسانی بۆ هاتووچۆی ئۆتۆمبێلی سەوزە و میوە دەکرێت".

ئەمەش دوای ئەوەدێت، بەیانی ئەمڕۆ وەزارەتی کشتوکاڵ و سەرچاوە ئاوییەکانی حکومەتی هەرێمی کوردستان لە راگەیاندراوێکدا رایگەیاند "بە لەبەرچاو گرتنی وەرزی پێگەیشتنی بەرهەمی ناوخۆیی، دوای گفتوگۆكردنی بەڕێز وەزیری كشتوكاڵ و سەرچاوەكانی ئاو لەگەڵ بەڕێز وەزیری ناوخۆ تایبەت بە كردنەوەی دەرگای عەلوەكان(گۆڕەپانی سەوزەو میوە) لە رۆژانی جەژنی پیرۆزی رەمەزان".