مەودا میدیا-

بریكاری وەزارەتی پلاندانانی هەرێمی کوردستان رایگەیاند، لە دوای  جەژنی رەمەزان و دەستپێکردنی دەوامەوە، حكومەت دەستدەكات بە وەرگرتنەوەی قەرزی سەر سەرمایەدارەكان و باس لەوەشدەکات ئەو پارەی لەلای بەشێك لە سەرمایەدارانە بڕەكەی نزیكەی 780 ملیار دینارە، بە نزیكەی بەشی پارەی مانگێكی مووچەخۆران دەكات.

 زاگرۆس فەتاح، بریكاری وەزارەتی پلاندانان لە حكومەتی هەرێمی كوردستان رایگەیاندووە و دەڵێت "هەر سەرمایەدارێك قەرزەكەی نەگەڕێنێتەوە، دەستبەسەر مۆڵكەكانیدا دەگیرێت‌".
 
دەشڵێت "بۆ وەرگرتنەوەی قەرزەكان حكومەت پارێزەری باشی ئامادەكردووە، ئەگەر هەر سەمایەدارێكیش ئامادەی گەڕانەوەی قەرزەكەی نەبوو، دەستبەسەر مۆڵكەكانیدا دەگیرێت‌".
 
ئاماژەی بەشکردووە "ئەو پارەی لەلای بەشێك لە سەرمایەدارانە بڕەكەی نزیكەی 780 ملیار دینارە، بە نزیكەی بەشی پارەی مانگێكی مووچەخۆران دەكات" .