مەودا میدیا-

بەرەبەيانی ئەمڕۆ چوارشەممە، لە شەقامێكی سلێمانی بەهۆی فول لێداون و دەستشكاندنەوە لە كاتی شۆفێریدا گەنجێك كوژرا.

بەپێی زانیارییەكانی مەودا میدیا، كاتژمێر 2ی بەرەبانی ئەمڕۆ چوارشەممە، گەنجێك لەسەر فول لێداون و دەستشكاندنەوەی ئۆتۆمبێل كوژراوە، پۆلیسیش پشتڕاستی زانیارییەكان دەكاتەوە.

لای خۆیەوە سه‌ركه‌وت ئه‌حمه‌د، وته‌بێژی به‌ڕێوه‌به‌رایه‌تی گشتی پۆلیسی سلێمانی بە مەودا میدیای رایگه‌یاند " ئەو گەنجانە له‌كاتی گه‌ڕانه‌وه‌دا ئۆتۆمبێلێكی جۆری تیۆتا لاندكرۆزه‌ر ده‌ستده‌شكێنێته‌وه‌ سه‌ریان و گه‌نجه‌كانیش چه‌ند ره‌ماشێكی بۆ لێده‌ده‌ن".

باسی لەوەشكرد"دوای ئەوەی تەقە لە ئۆتۆمبێلەكە كراوە، یەكێكیان برینداربووە و تا گەیاندنی بە نەخۆشخانە گیانی لە دەستداوە".