مەودا میدیا-

وتەبێژی تەندروستی سلێمانی رایدەگەیەنێت تووشبوویەکی کۆرۆنا باری تەندروستی ناجێگیرە، هەروەها داوا لە هاوڵاتییان دەکات پابەندی رێنماییە تەندروستییەکان بن.

یاد نەقشبەندی، وتەبێژی تەندروستی سلێمانی لە لاپەڕەی تایبەتی خۆی لە تۆڕی کۆمەڵایەتی فەیسبووک نووسیوویەتی "تووشبویەکی ڤایرۆسی کۆرۆنا لە شاری سلێمانی باری تەندروستی ناجێگیرە  و 30 تووشبووش نیشانەی قورسی ڤایرۆسەکەیان هەیە".

هەر لە نوسینەکەیدا وتەبێژی تەندروستی سلێمانی داوای لە هاوڵاتییان کردووە پابەندی رێنماییە تەندروستییەکان بن.