مەودا میدیا-

ئەمڕۆ سێشەممە، ژمارەیەك تووشبووی ڤایرۆسی كۆرۆنا لە سلێمانی چاكبوونەوە و رەوانەی ماڵەوە كران.

هێرش سەلیم، جێگری بەڕێوەبەری گشتی تەندروستی پارێزگای سلێمانی بە مەودا میدیای راگەیاند "12 تووشبووی ڤایرۆسی كۆرۆنا كە لە ماوەی رابردوو تووشی ڤایرۆسەكە بوون لە سلێمانی، دوای چەندین پشكنین رەوانەی ماڵەوە كران".

ئاماژەی بەوەشكرد "داواكارین هاوڵاتیان پابەندی رێنمایی و خۆپارێزییكان بن و تا دەتوانن خۆیان بپارێزن".