مەودا میدیا-

ئێوارەی ئەمڕۆ سێشەممە، هاوڵاتیان و كاسبكارانی شاری سلێمانی لە بەردەم باخی گشتی و قائیمقامییەتی سلێمانی خۆپیشاندانیان كرد و دواتر هێزە ئەمنییەكان له ناوبازارى سلێمانی رووبەڕوویان بوونەوە.

كاسبكاران داوایان كرد هەرچی زووە دوكان و شوێنەكان بكرێنەوە و بگەڕێنەوە سەر كارەكانیان، داوتر لە لایەن هێزە ئەمنییەكانەوە رووبەڕوویان بوونەوە و بڵاوەیان پێكراوە.

هێزێكی زۆری ئەمنی لە ناو شاری سلێمانی بڵاوەیان پێكراوە و خۆپیشاندەرانیش بە بەرد وەڵامی هێزە ئەمنییەكان دەدەنەوە.دۆخەكە تێكچوو... رووبەڕووبوونەوە هەیە

خۆپیشاندەران باس لەوە دەكەن هێزە ئەمنییەكان بە غازی فرمێسك رێژ رووبەڕوویان بوونەتەوە.