مەودا میدیا- سازگار ئەحمەد

جێگری بەڕێوبەری گشتی فەرمانگەی تەندروستی سلێمانی رایدەگەیەنێت دوو تووشبوووی ڤایرۆسی کۆرۆنا لە سلێمانی گیانیان لەدەستداوە ئاماژەی بەوەشکرد هەردوو تووشبووەکە پیاون و دانیشتووی سلێمانین.

عەبدوڵڵا ئەحمەد، جێگری بەڕێوبەری گشتی فەرمانگەی تەندروستی سلێمانی بۆ كاروباری كارگێری و دارایی بە مەودا میدیای راگەیاند "دوو تووشبوووی ڤایرۆسی کۆرۆنا لە سلێمانی گیانیان لەدەستداوە".

ئاماژەی بەوەشکرد "یەکێک لە تووشبووەکان شەوی رابردوو گیانی لەدەستداوە، ئەوی دیکەشیان بەیانی ئەمڕۆ مردووە و هەردووکیان پیاون و تەمەنیان 64 ساڵە و دانیشتووی شاری سلێمانین".

جێگری بەڕێوبەری گشتی فەرمانگەی تەندروستی سلێمانی ئەوەشی خستەڕوو "لە ئێستادا سەرقاڵی بەخاکسپاردنی ئەو دوو کەسەین".