مەودا میدیا-

سەرپەرشتیاری بە خاكسپاردانی گیان لە دەستداوانی كۆرۆنا لە سلێمانی رایدەگەیەنێت، لە شەوەوە تا ئێستا سێ كەس لە سلێمانی گیانیان لە دەستداوە بەهۆی كۆرۆناوە.

عەبدوڵا ئەحمەد، جێگری بەڕێوەبەری گشتی و سەرپەرشتیاری بەخاكسپاردنی گیان لە دەستداوانی كۆرۆنا بە مەودا میدیای راگەیاند "لە شەوەوە تائێستا سێ تووشبووی كۆرۆنا لە سلێمانی گیانیان لە دەستداوە".

ئەوەشی خستەڕوو "هەر سێ تووشبووەكە دانیشتوی سلێمانین و تەمەنیان لە 50 ساڵ بەرەو سەرەوەیە و دەمانەوێت دوا نیوەڕۆی ئەمڕۆ پێنجشەممە بە خاكیان بسپێرین".

لە سەرەتای بڵاوبوونەوەی كۆرۆنا تا ئێستا لە سلێمانی سەرو 30 كەس گیانیان لە دەستداوە.